Hasi dira Debagoieneko 29. Jardunaldi Gastronomikoak

Ostiralean eman zioten hasiera Debagoieneko 29. Jardunaldi Gastronomikoei eta hilaren 29an amaituko dira. Epe horretan, eskualdeko hainbat jatetxek garaiko eta bertako produktuekin eginiko menuak eskainiko dituzte.

Menu guztietan entsalada bereziak eta hegaluzea jateko aukera egongo da eta horrez gain, aurtengo berrikuntza da munduko beste gastronomia batzuei erreferentzia egitea.

Jatetxeak

Aurtengo edizioan parte hartzen ari diren jatetxeak ondorengoak dira: Oñatiko Goiko Benta, Arrasateko Hilarion eta Santa Ana, Bergarako Lasa eta Elgetako Maialde.

'TOP ESPERIENTZIA'

Jatetxeetan menuak eskaintzeaz gainera, jardunaldi hauetan bisita gidatuetan parte hartzeko aukera dago: Oñatiko Txokolatearen Interpretazio Zentroan eta Gomiztegiko baserrian eta Leintz Gatzagako Gatz Museoan. Hauetan parte hartzeko, aldez aurretik eskaera egin behar da.

5.Txakoli Eguna

Jardunaldien egitarauaren baitan, 5.Txakoli Eguna ospatuko da, zapatu honetan Arrasaten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.