Atzerritarren arazoak etxebizitzak alokairuan hartzeko

Maialen Regueiro 2018ko uzt. 10a, 15:00

Gaur egun etxebizitzak errentan hartzea ez da erraza, eskaintza murritza delako eta prezioek gora egin dutelako. Atzerritarrek zailtasun gehiago dituzte SOS Arrazakeriatik adierazi dutenez.

Testinga

SOS Arrazakeriak duen bulegora kasu asko heldu izan dira. Horregatik, duela urte bete testing bat egitea erabaki zuten: hiru atzerritar eta bertako bat higiezinen hainbat agentziatara igaro ziren alokairuan zeuden etxeen inguruan interesatuz. Azterketa horrek susmoak baieztatu zituen: bertakoari hamar etxebizitza eskaintzen bazizkioten, atzerritarrari bakarra eskaintzen zioten eta azken horiei, gainera fidantza handiagoa eskatzen zieten.

Oussamaren kasua

Oussamaren familia marrokiarra da eta azken 10 urteetan Bergarako etxe baten bizi izan dira. Ez dute inoiz arazorik izan, baina 2017ko urrian bizi ziren etxetik irten behar izan zuten eraikina bota behar zutelako. Ordutik, ez dute beste etxe bat lortu. Hori gutxi balitz, Oussamaren aita langabezian dago eta familiak Diru-sarrerak Bermatzeko Errenta jasotzen du, baina honek beldurra ematen die etxeko jabeei.

Harremanetarako telefonoa

SOS Arrazakeriak 658749755 zenbakia jarri du etxebizitza errentan emateko moduan egon daitezkeen herritarren eskura.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak