Ondo joan dira udako merkealdiko lehen egunak

Dendariek diote azkenean hasi dela mugimendua eta bazela garaia, salmentei dagokienean denboraldi bereziki txarra izan delako aurtengoa. Oñatiko NI jantzi dendako ugazabak adierazi du negozioarekin daramatzan 21 urtetan ez duela halakorik ezagutu.

Badira aste batzuk dendetako erakusleihoetan deskontuen kartelak ikus daitezkeela, baina merkealdia bera astelehenean hasi zen ofizialki, eta lehen egunak ondo joan direla azaldu dute Oñatiko Chic eta NI dendetan. Kontuan izanik salmentei dagokienean denboraldi bereziki txarra izan dela aurtengoa, mauka onak daude orain bezeroentzat.

Laster udazkeneko arropa jasotzen hasiko dira dendariak eta eurei ere komeni zaie udako jantziak ateratzen joatea datozenei lekua egiteko. Chic eta NI dendetan %30eko deskontuekin hasi dute merkealdia -eta, kasuren batean, %40koekin-, baina denetarik dago: Arrasateko erakusleiho batzuetan, adibidez, %50eko deskontuak iragartzen dituzten karteltxoak ere badaude.

Udako merkealdia irailaren 30ean bukatuko da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.