Apiril amaieran langabezia tasa %8,38 zen, eta maiatzean 0,03 puntu altuagoa: %8,41. Igoerarena, baina, otsailetik errepikatzen ari den joera bat da -nahiz eta modu apalean izan- eta, horrenbestez, langabezia tasa hiletik hilera gertuago dago urte hasierakotik (%8,50), urteko altuena orain arte. Edozein kasutan, datuek erakusten dute egoera orain urtebete baino (%8,86) hobea dela.
Herriei dagokienean, azken hilabetean langabe kopuruak gora egin du Aretxabaletan, Arrasaten eta Eskoriatzan; mantendu egin da Bergaran eta Elgetan; eta jaitsi egin da Antzuolan, Oñatin eta Aramaion.
Maiatzeko datuak, herririk herri
- Antzuola: 59 langabe (%5,31ko langabezia tasa)
- Aretxabaleta: 258 (%7,51)
- Arrasate: 1.146 (%10,98)
- Bergara: 580 (%8,03)
- Elgeta: 40 (%6,93)
- Eskoriatza: 153 (%7,53)
- Leintz Gatzaga: 3 (%2,17)
- Oñati: 318 (%5,85)
- Debagoiena: 2.557 (%8,41)
- Aramaio: 12 (%1,59)
Hego Euskal Herrian, hobera
Apirilean baino langabe gutxiago zeuden maiatzean Araban, Bizkaian, Gipuzkoan eta Nafarroan. 156.137 pertsona dira gaur egun lan barik daudenak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak