Errauskailuaren kontrako elkarretaratzea anbulatorioan

Iker Oñate 2018ko api. 19a, 15:42

Debagoiena Eredu Zabortegirik Ez plataformak deituta, hainbat lagun batu ziren eguaztenean Arrasateko anbulatorioaren aurrean, "erraustegia gelditu eta osasuna bermatzea" eskatzeko.

Izan ere, Gipuzkoa osoko anbulatorio aurrealdeetan elkarretaratzeak deitu zituzten erraustegia gelditzeko plataforma ezberdinek. "Erraustegia osasunarekin lotzen dugu. Frogatuta dago erraustegia dagoen lekuetan minbizi tasa eta beste gaixotasun batzuen tasak hirukoiztu edo laukoiztu egiten direla, eta guri apur bat urruti samar gelditu arren, alternatibak daudenean ezin dugu onartu errauskailu bat martxan jartzea Gipuzkoan", azaldu du Debagoiena Eredu Zabortegirik Ez plataformako kide Enrike Letonak.

"Teknikoki frogatu dugu gaika jasota oso hondakin gutxi gelditzen direla, eta horrela eginez gero Gipuzkoa osoan ez genuke errauskailurik behar. Oso sinplea da. Beste interes ekonomiko batzuk daude, berez ez dugulako errauskailurik behar eta osasunarendako kaltegarria delako", gaineratu du Letonak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak