Etorkizuna Eraikiz programaren bitartez etorkizunera begira jarri da aldundia, orain arte ikuspegi sozial eta ekonomiko batetik, eta lan horretan erakunde, enpresa, elkarte, unibertsitate eta bestelako eragile askok hartu du parte. Ez ordea gazteek. Hala, hutsune hori betetzera dator Gazteen Gipuzkoa.
Egitasmoaren helburua da gazteen iritziak proiektu gisa diseinatuta jasotzea. Proiektu horiek lurraldeko 28 ikastetxetako gazteek garatuko dituzte eta udazkenean aurkeztuko dituzte, Foru Aldundian bertan. EHU-ko Sinnergiak Taldearen gidaritza izango dute bide horretan. Produktuak, era askotarikoak izango dira. Dossierrak, power-pointak, antzerkiak, bideoak, abestiak...
Debagoienari dagokionez, zazpi ikastetxek hartuko dute parte proiektuan. Horiek dira, Oñatiko Elkar-Hezi, Txantxiku Ikastola eta Zuazola Larraña Institutua, Bergarako Aranzadi Ikastola eta Mariaren lagundia eta Arrasatetik Arrasateko Institutua eta Arizmendi Ikastola (Gaztelupe eta Almen).