Unibertsitate-kirolaren Euskadiko Txapelketa jokatu da gaur, eguena, Arrasaten eta Aretxabaletan. MUko, EHUko eta Deustuko Unibertsitateko 450 ikaslek parte hartu dute, hogei kirol-modalitatetan. Onenei sariak banatzeko ekitaldian izan dira Eusko Jaurlaritzako, Arrasateko Udaleko eta MUko ordezkariak eta egitasmoaren balorazio oso positiboa egin dute.
Kirolak pertsonetan jokatzen duen paperaren garrantzia eta osasunean eragiten dituen onurak azpimarratu dituzte, eta txapelketa honek ikasleen eta unibertsitateen arteko harremanak estutzen laguntzen duela nabarmendu.
Hiru unibertsitateek txandaka antolatu ohi dute lehiaketa, urtean behin, eta Mondragon Unibertsitateak antolatu du oraingoa, XVIII. edizioa. Arrasaten -Musakolako eta Iturripeko kirol-instalazioetan- eta Aretxabaletan -Ibarra kiroldegian- jokatu dituzte norgehiagokak. Lagun-giroan, bai, baina txapela janzteko nahia ahaztu gabe. Gaur sailkatutako kirolariak Espainiako Txapelketetako aurreko faseetan parte hartzeko lehiatuko dira. Apirilean eta maiatzean egingo dira txapelketa horiek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
