Iragarpenaren arabera, gaur, egunaren bigarren partean 400-600 metro ingurura igoko da elur-maila. 12:00etan 300-400 artean kokatuko da elur-maila, 18:00etan 400-500era igoko da eta gauerdian 400-600. Baliteke ekaitz eremuetan eta prezipitazioaren intentsitatea handia den lekuetan beherago egotea.
Hurrengo egunetarako Euskalmeten iragarpena
Zapatua, hilak 3
Zerua hodeitsu edo oso hodeitsu egongo da; arratsaldean hodeiak ugaritu egingo dira eta estalita geldituko da. Egunaren lehenengo partean prezipitazio txikia egingo du, Kantauri isurialdeko zenbait lekutan ertaina. Arratsalde-gauean prezipitazio txiki-ertaina egingo du eta iraunkorra izango da. Kostaldean egunaren amaieran trumoiak jo eta txingorra egingo du. Goizaldean elur-maila 400-600 metro inguruan kokatuko da eta egunaren erdiko orduetarako 800-1.000 metrora igoko da; gauean berriro 600-800 metrora jaitsiko da. Mendebal- osagaiko haizea ahul-bizi ibiliko da; goizaldean eta egunaren bigarren partean ipar-mendebaldekoa nagusituko da bolada gogorrekin, eta gauean oso gogorrekin. Tenperaturan, aldaketarik ez. Barnealdeko zenbait puntutan izotz txikia egingo du.
Aurreikusitako lodierak: 10-25 cm 1.000 metrora, 2-6 cm 600 metrora, 0 cm 200 metrora.
Domeka, hilak 4
Zerua oso hodeitsu edo estalita egongo da. Prezipitazio txikia egingo du, noizbehinka ertaina. Kantauri isurialdean trumoiak jo eta txingorra egingo du. Goizaldean elur-maila 400-600 metro inguruan kokatuko da, eta 600-800 metrora igoko da. Ipar-mendebaldeko haizea ahul-bizi ibiliko da, bolada gogorrekin goizaldean eta gauean norabide aldakorreko haize ahula geldituz joango da. Tenperaturan, aldaketarik ez. Barnealdeko zenbait puntutan izotz txikia egingo du, handia mendi inguruetan.
Aurreikusitako lodierak: 5-15 cm 1.000 metrora, 0-5 cm 600 metrora, 0 cm 200 metrora.
Astelehena, hilak 5
Zerua oso hodeitsu edo estalita egongo da. Prezipitazio txikia egingo du, noizbehinka ertaina. Kantauri isurialdean trumoiak jo eta txingorra egingo du. Goizaldean elur-maila 400-600 metro inguruan kokatuko da, eta 600-800 metrora igoko da. Ipar-mendebaldeko haizea ahul-bizi ibiliko da, bolada gogorrekin goizaldean eta gauean norabide aldakorreko haize ahula geldituz joango da. Tenperaturan, aldaketarik ez. Barnealdeko zenbait puntutan izotz txikia egingo du, handia mendi inguruetan.
