Urkulu urtegia %80an dago beteta

Oihana Elortza 2018ko urt. 8a, 16:30

Euria eta elurra ere egin du azken aste eta egunetan eta Urkuluko urtegiaren betetze maila igo egin da. Egun, bere edukieraren %80an dago. Garai honetarako normala den zenbateakoan.

Azaroaren hasieran egun baino dezente ur gutxiago zuen Urkuluk; orduan egon zen orain arteko baxuen, %50ean zegoen orduan, Etxezarretaren esanetan. Itxura penagarria zuen urtegiak, baina arrantzarako, adibidez, abantaila zen ur gutxi egotea.

Azken astetan egindako euriagatik eta baita elurragatik, baina, igo egin da urtegiaren ur maila. Azaroan, esaterako, 180 litro ur egin zituen eta abenduan 220 litro. Azaroan %50ean zegoen, %65ean abenduaren 14an eta %80an urtarrilaren 5ean. Eta Urkulura sarri joaten direnek ere egunean-egunean ikusi dute ur maila igotzen ari zela.

16.000 metro kubiko ur egunero atera

Ur mailaren edukiera eta uraren kalitatea jakiteko hainbat neurgailu daude urtegiaren barruan eta aparailu horiek guztiak zuzeneko datuak isurtzen dituzte urtegiko pareta atzean dagoen kontrol gunera. Kontsumorako, 16.000 metro kubiko ur ateratzen dira urtegitik egunero.

Asteburuan egindako elurrak eta ondorengo eguneratarako iragarrita dagoen euriak lagunduko dute ur maila igotzen. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak