goiena.eus

Eibarrek irabazi du infantil txiki mailako futbol txapelketa, Azkoagainen

  Kirola  Aretxabaleta  Debagoiena  Oñati ALBISTEAK

Realak antolatutako infantil txiki mailako txapelketako partiduak jokatu dira gaur Oñatin. Aloña Mendi, UDA, Eibar, Elgoibar eta Ariznabarra taldeak izan dira lehian, eta azkenean Eibar izan da txapelketako garaile. Aste Santuan Zubietan jokatuko den txapelketara sailkatu dira.

Urtero jokatzen da Realak antolatutako infantil txiki mailako txapelketa Gabon sasoian, eta Gipuzkoako dozena bat herritan jokatzen dute hainbat taldek. Aurten, Azkoagainen izan dira bost talde: Aloña Mendi, UDA, Eibar, Elgoibar eta Ariznabarra. Eibarrek irabazi du txapelketa eta Aste Santuan Zubietan jokatuko den txapelketara sailkatu dira.

Txapelketaren helburua, hauxe da, Aloña Mendiko infantil txiki mailakoen entrenatzaile Jose Luis Abaunzen hitzetan: “Realak antolatutako txapelketa da eta euren helburua izaten da Gipuzkoako gaztetxoak dantzan jartzea eta data hauetan ere, futbolarekin gozatzea”.

Futbolariak gustura ibili dira. Ikaste prozesuan daude 2005ean jaiotako infantil txiki mailako futbolari horiek eta garrantzitsuak dira halako txapelketak Jose Luis Abaunzen esanetan.

Emakumezko gutxi ikusi ahal izan dira zelaian, baina Maren Lezeta aretxabaletarrak ez du hutsik egin.

Gurasoak ere izan dira Azkoagainen  futbolari gaztetxoak animatzen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa