Bi gizonezko zauritu zituen urtarrilaren 1ean 09:00ak inguruan Zarugalde kalean 25 urteko gazte arrasatear batek. Lorezaintzako aitzur bat erabili zuen erasorako; biktimetako batek traumatismo bat du buruan, belarritik gertu, eta besteak, traumatismoa du baita ere, baina larritasun gutxiagokoa. Gero gainera, erasotzailea Debagoieneko Ospitalera bertaratu zen pertsona gehiagori eraso egiteko intentzioz.
Biktimetako batek salaketa jarri zuen Arrasateko ertzain-etxean eta erasotzailea atxilotzea lortu zuen Ertzaintzak. Gaua Bergarako polizia-etxean igaro du eta goizean deklaratu du epailearen aurrean.
Epaileak aske utzi du 25 urteko gaztea, baina balorazio psikiatriko baten zain. Donostiako psikiatrikoan haren egoera baloratuko dute, ingresatu ala ez erabakitzeko.
