Atzo, eguaztena, zabaldu zituen ateak Eskoriatzako haur parkeak eta irekiera ona eman diotela esan du Auritz Iñurrieta monitoreak. Urtero bezala, puzgarriak, ohe elastikoak edota bideo jokoak jarri dituzte, baina berrikuntza batzuk ere gehitu dizkiote aurtengo parkeari, adibidez, eskulanen txokoan. Gaur, hilak 28, 20:00etan itxiko ditu ateak Eskoriatzako haur parkeak.
Hala ere, horrelakoak bakarrik ez, bestelako ekintza eta ikastaroak ere badituzte gaztetxoek egunotan. Aretxabaletan esaterako, atzo, martitzena, familian ibiltzeko patinaje ikastaroa izan zuten Ibarra kiroldegian.
Guztira 20 neska-mutiko inguruk hartu zuten parte eta guraso batzuk ere animatu ziren seme-alabekin batera, patinak jantzi eta ikastaroan murgiltzera.
Gabon sasoi honetan ohikoak izaten dira haur parkeak etxeko txikienen eta gaztetxoen gozamenerako. Hainbat kiroldegitako kantxak haur eta gaztetxoen paradisu bihurtu dira beste urte batez, esaterako, Eskoriatzakoa. Eta Aretxabaletan, adibidez, patinaje ikastaroa egin dute familiendako.
Erlazionatuak
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak