Abenduko zubiak eskaini dituen jai egunak direla eta, hainbat bisita gidatu eskaini dituzte herri ezberdinetan. Oñatin, besteak beste, Sancti Spiritus Unibertsitatea eta Mikel Goiaingeruaren parrokia bisitatzeko ibilaldiak antolatu ditu turismo bulegoak, eta bisita gidatu hauek arrakasta izan dute.
Batez ere, Euskal Herriko beste txokoetatik gerturatu da jendea bailarara, baina Espainiatik ere hainbat turista gerturatu direla azaldu du Oñatiko turismo bulegoko langile Edurne Urteagak.
Turista askok, gainera, Oñati ezagutzen zutela, baina bisita gidatuarekin bertako eraikinak eta historia hobetu ezagutu nahi izan dutela azaldu dute.
Gainera, gaur, bisita gidatu berezia egin dute Leintz Gatzagako Gatz museoan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.