Antzuolan bukatu du gaurko etapa Pausokaren Gipuzkoako itzuliak

Behar bereziak dituzten umeen gurasoen elkarteak, Pausokak, Pausoka Eguna ospatuko du zapatuan Urnietan. Bada, horren aurretik, aste honetan Gipuzkoako itzulia egiten ari dira zenbait korrikalariren laguntzaz.

Bada, gaur goizean Debagoienetik pasa dira. Eibar aldetik Bergarara sartu, herria zeharkatu, eta gaurko etapa Antzuolan bukatu dute. Hortaz, biharkoa ere bertan hasiko dute, eta Beasaineraino joango dira. Gaurkoan, herriz herri ikastetxeetako neska mutikoak batu zaizkie korrikalariei, eta etapa amaieran Antzuolako Udalak ere harrera egin diete.

Elkartearen lana ezagutaraztea eta Pausoka Egunean parte hartzeko deia egitea da ekimen honen helburua, Martin Uharte ordezkariak azaldu duenez. Antzuolako Alkate Beñardo Kortabarriak ere Udalaren babesa adierazi dio ekimenari. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.