Familia xume baten barruan jaiotakoa, aurrezki kutxetan egin du nagusiki bere ibilbide profesionala. Gipuzkoako Kutxa Munizipalean hasi eta Gipuzkoako kutxetan jarraituta, 30 urteko ibilbidea izan du Alkortak. Orain, jubilatua dago, baina ez dago guztiz erretiratuta; izan ere, Eusko Ikaskuntzaren mendeurreneko ekitaldiak antolatzen ari da. Euskal Herriko lurralde ezberdinetan hainbat kongresu izango dira azaroan eta Oñatin emango diote amaiera, bertan egin baitzen lehenengo kongresua duela 100 urte.
