Duintasuna elkarteko kideek zahartzaro duinago bat aldarrikatu dute

Pentsio duinago batzuen alde, Gipuzkoako jubilatu eta pentsiodunen elkarteak kontzentrazioa egin du gaur goizean. Horrez gain, bihar Emakumeenganako Indarkeriaren aurkako Nazioarteko eguna izango dela aprobetxatuz, elkarteko emakumeek beraien egoera salatu dute.

Horrelako elkarretaratzeak hilean behin egiten dituzte, eta gaurkoan Arrasate izan dute bilgune. Elkartetik azaldu dutenez, pentsiodunek, urteetan lan egin ondoren, hilabete bukaerara heltzeko hainbat zailtasun bizi izaten dituzte. Egoera horren aurrean, agintariek informazio gutxi eman izana salatu dute elkartetik.

71.724 sinadura

Eskubide Sozialen aldeko Euskal Herriko Plataformek, duela hilabete bat Eusko Legebiltzarrean 71,724 sinadura aurkeztu zituen bi aldarrikapen nagusi eskatuz: alde batetik pentsiodun orok 1080 euro kobratu ezean, osagarria jasotzea gutxienekora iristeko, eta bestetik, Babes eta Seguritate Sozial Sistema Propioa sortzea.

Kontzentrazioarekin batera, bihar Emakumeenganako Indarkeriaren Aurkako Nazioarteko eguna izango dela aprobetxatuz, elkarteko kideek emakume pentsiodunen egoeraz  kexatu dira; izan ere, pentsiodunen %46ak , hilean 700 euro baino gutxiago kobratzen ditu, gehiengoa emakumeak izanez. 

Goiza amaitzeko, elkarteak Gipuzkoa mailako pentsiodunen batzar orokorra egin du Kulturaten. Puntu nagusi bezala, pentsioen problematikaz jardun dute.  

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.