Arrasateko Udalak eta herriko kultur taldeek batzarra egin zuten martitzenean Kulturaten. Bertan izan ziren Txikitxu-Arrostaitz, Lore Gazteak, Trikitixa Eskola edota Belenistak taldeko ordezkariak, besteak beste.
Diru laguntzak eskatzeko epea uztailean bukatuko da. Urtetik urtera aldaketak txikiak sor daitezke hauek eskatzeko prozedimentuetan eta akatsak egitea saihesteko bilera informatiboa egin zuten. Etorkizunera begira tramite horiek sinplifikatzeko eta errazagoak izateko lanean ari da Udaleko Kultura saila. Arrasate Musikalek edo Trikitixa Eskolak adibidez, diru laguntza nominatiboak dituzte. Aspalditik jasotzen dituztenez, automatikoki jasotzen dute diru laguntzen partidatik euren dagokien zatia. Baina gainontzeko taldeek urtero prozesu administratiboa egin beharra izaten dute.
Aurtengo ekitaldian, Arrasateko kultur taldeen artean banatzeko 30.000 euroko aurrekontu partida edukiko du Udalak.