Espainiar hauteskundeen kanpaina berria ekainaren 10ean hasiko da, eta bertako hauteskundeen legeak dioenez, debekatuta dago kanpaina bitartean erreferendum eta galdeketak egitea. Horren harira sor daitezkeen helegiteak saihesteko, Erain Debagoienak herri galdeketako data Ekainak 5era aldatzea erabaki du.
Espainiar alderdiek akordiotara heltzeko eduki duten borondate faltak, Erain Debagoienako antolatzaileak aurretik egindako plangintza aldatzera behartu ditu. Gainera, asteburu honetan, erabakitze eskubidearen aldeko herri galdeketa sustatzeko hainbat ekitaldi antolatu dituzte.
