Esandako aldaketak eta hausnarketa azken urteotan egiten diharduten prozesu baten emaitza dira. Fagor Etxetresnen krisiaren aurretik hasi zen prozesu hori, baina krisi horrek indar berria eman zion. Fagor Taldeko kooperatiben norabidea eta izaera izan dira hausnarketa horren gaiak. Prozesuak aurrera jarraitzen du.
Ordainduren eta Eskuraturen kale-agerraldia
Fagor batzarra egiten zebilen bitartean, kale-agerraldia egin zuten eguen arratsaldean Ordaindu eta Eskuratu elkarteetako kideek Mondragon Korporazioaren egoitza nagusiraino; hantxe egiten zebiltzan batzarra, hain zuzen ere. Ordainduk eta Eskuratuk azpimarratzen dute “jendetsua” izan zela agerraldia, baina ezin izan zutela egoitzara askorik hurbildu, “Ertzaintza hura zaintzen zegoelako, Mondragoneko gailurretik deituta”. Hala ere, euren eskaerak “oihukatu” ahal izan zituztela gaineratzen dute. “Exijitu genuena, eta exijitzen jarraitzen duguna da justizia, Sotili (Mondragon Korporazioko presidentea) eta Alustitzari (Fagor Taldeko presidentea eta Korporazioko zuzendaritzako kidea)”.