Pizgarri bezala, egunotan bazkidetzen diren pertsonen artean tablet bat ere zozketatuko du Goienak. Eta gainera, eskaintza berezi bat izango dute Eroski Hipermerkatuan bazkidetzen direnek: Goienaren giltzatakoa eta Olentzero & Co-ren musikaleko DVDa jasoko dute opari.
Bazkidetzen ez direnen datuak ere jasoko dira, aurrera begira eurekin harremanetan jarri ahal izateko.
Gogoratu, beraz, Arrasateko Eroski Hipermerkatuan, gaur, bihar eta etzi, egongo dela aukera Goiena klubeko bazkide egiteko.
4.000 bazkide
Gaur egun, Goiena Klubak 4.000 bazkide ditu eta egun hauetako kanpainaren bitartez, asmoa da bazkide kopuruak gora egitea.
Nahi izanez gero, bazkidetza egin daiteke Internet bitartez ere.
Esker hitzak
Dagoeneko Goiena klubeko bazkide direnendako hitzak ere izan ditu Goienako zuzendari komertzial Mireia Larrañagak; klubeko bazkideei eskerrak eman dizkie Goiena proiektua laguntzearren.