"Militantzia politikoaren aurkako" epaiketa salatu eta auzipetuei elkartasuna adieraziko diete hilaren 12an

Pilota, musika eta bertsoak dituen ekitaldi jendetsua egin gura dute datorren zapatuan, ezker abertzaleko hainbat erakunderen kontra bihar hasiko den epaiketaren "zentzurik eza" salatu eta elkartasun erakustaldi bezala. Auzipetuek – 4 dira Debagoienean – agerraldia egin zuten atzo.

Bihar hasiko da  epaiketa Entzutegi Nazionalean, auzipetuen artean  Aittor Arantzabal, Mikel Zubimendi, Mikel Garaiondo eta Inor Galparsoro dituena. Hogeita hamar lagunetik gora eseriko da epailearen aurrean, bihartik eta martxora bitarte. Egoeraren berri emateko prentsa agerraldia egin zuten atzo Bergaran Debagoieneko auzipetuek eta babes emanez bertara joandako herritarrek. Salatu zutenez, "militantzia politikoa zigortu" nahi da eta egungo legedi eta auzitegien "zentzurik eza" agerian jarri guran, herritarrek "tinko jarraitu" eta "indarrak batzeko" deia egin zieten, protesta egitarau zabal batekin osatuko dute. 

Abenduaren 12an, 18:00, Bergaran, elkartasun adierazpena egingo dute frontoian. Ekitaldi bat izango da musika eta bertsoek girotua eta asmoa da mosaiko erraldoi bat irudikatzea.Ostean Mikel Goñik eta herriko pilotariek partiduak egingo dituzte. Horren ostean, herritik zehar kalejira egingo da. Aldarrikapen-jaia gaztetxean amaituko da Anger eta Montauk taldeekin eta Naken Selektor disko-jartzailearen saioarekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.