Lehen eratze-batzar irekia egin du Debagoieneko Equok

Atzo egin zuten Arrasaten lehen bilera eta han izan ziren alderdi ekologistak, Irabazirekin koalizioan, bailaran dituen bi zinegotziak: Aiert Lizarralde bergararra eta Rafa Bernal eskoriatzarra, Euskadi mailako alderdiko zenbait kiderekin batera. Babes taldea sortu eta bozeramailea eta prentsa arduraduna izendatuko dituzte asteotan. 

Alderdiaren estatutuen arabera, eskualde mailako batzarra sortzeko 10 kide behar dira eta ezin izan dute kopuru horretara heldu. Hala ere, 5 kide gutxienez batuta, babes taldea eratuko dute. Batzar irekian Irabazi eta Baleike-Ahal Dugu alderdietako kideak ere izan ziren, EQUO eta Podemos elkarrekin aurkeztuko  baitira Espainiako hauteskundeetara. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.