Omenaldi beroa egin diote herritarrek Jose Luis Elkorori eguerdian Bergaran

Herrikideen babesa gertu gertutik sentitu ahal izan du Jose Luis Elkorok eguerdian, Bergaran egin dioten harreran. Mikrofonoa hartuta, esker hitzekin batera, indarrak batzearen garrantziaz aritu da. 

Herrikideen babesa gertu-gertutik sentitu ahal izan du Jose Luis Elkoro ezker abertzaleko kide historikoak, Bergaran egin dioten harreran. San Martin plazan izan da, jendetza eta ikurrinak alde banatan zituela. Hainbat lagunekin besarkatu ostean, Xabier Amurizak bertsoa eskaini dio eta Elkorok hitza hartu du ondoren. Eskerrak eman dizkie herritarrei eta indarrak batzearen garrantzia azpimarratu du: "Euskal Herria, gure herria, txikiagoa edo handiagoa, aberatsagoa edo txiroagoa, baina gure herria azken finean, guk behar duguna, haren alde borrokatu behar dugu. Guztiok elkartuta, Indarrak batuz herria lortuko dugu". Eta adierazpenen ostean, besarkada gehiago; emaztearenak, lehenengo. Bilobek emandako loreak jaso ditu segidan eta, patxada handiagoz, beste lagun asko agurtu ahal izan ditu hurrena.

Elkorok gaur zuen hitzordua Martuteneko espetxean, orkatilan eraman duen gailu telematikoa kentzeko, baina atzo arratsaldeko lehen orduan deitu zioten, ezustean, eta berehala joateko agindu. Erabat aske geratu zen bostetarako.

Zortzi urteko kartzela zigorra betetzeko puntuan

Zortzi urteko kartzela zigorra bete du ia Jose Luis Elkorok, horietatik hiru espetxe ezberdinetan igaro ditu eta beste bost bere etxean, pultsera telematikoarekin. Espainiako Auzitegi Nazionalak bi aldiz kartzelatu du: lehena, Herri Batasunako Mahai Nazionaleko kide zela Alternatiba Demokratikoa zeritzon zirriborroa aurkezteagatik; urte eta erdi kartzelan egon ondoren, konstituzionalak absolbitu egin zuen. Bigarren kondena Egin egunkariko administrazio-kontseiluko zuzendaritzako kide izateagatik etorri zen.

Bihar, egubakoitza, 19:00etan, beste ekitaldi bat egingo dute Elkororen alde, preso egon den urteetan hura aske uzteko eskatu duen Mugituko da plataformak deituta. Eta zapatuan, elkartasun afaria, Elkoro eta Bixkairekin.

Erlazionatuak

ADIERAZPENAK: Tasio Erkizia, Xabier Zubizarreta, Agurne Barruso eta Amaia Izko

Bergara

Etxekoekin, lagunekin eta herritarrekin batera, ekitaldian parte hartu dute ezker abertzaleko hainbat lagunek ere. Horietako batzuen hitzak jaso di...
Ekitaldia egingo dute egubakoitzean Bergaran, Jose Luis Elkororekin

Bergara

"Bakea eta batasuna" ardatz izango dituen ekitaldia izango da. 19:00etan hasiko da Bergarako San Martin Plazan eta askotariko jendeak parte hartuko...
Elkartasun afaria zapatuan Bergaran, Elkoro eta Bixkai bertan direla: txartelak badaude oraindik

Bergara 1

Bergarako preso eta iheslarien lagunek antolatu dute afaria. 21:30ean izango da, Aranzadi ikastolako gimnasioan, eta txartelak erosteko azken eguna...
Jose Luis Elkoro: "Hegan egiteko moduan sentitzen naiz, gogotsu eta asmoekin"

Bergara

Horixe da, besteak beste, Jose Luis Elkorok Goienaren Puntua aldizkariari eskainitako elkarrizketan esandakoetako bat. Aste honetan erabat ask...
Jose Luis Elkoro, erabat aske

Bergara

Gaurko, eguena, ipini zioten hitzordua, 12:00etarako, Martutenen, baina atzo arratsaldeko lehen orduan deitu zioten ezustean eta berehala joateko a...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.