Ikasturte berriak dakartzan gastuei begira

Amaia Txintxurreta Guridi 2015ko ira. 2a, 18:04

Ikasturte berria hastear da eta gurasoak horrek dakartzan gastuei begira daude dagoeneko. Umeak eta gaztetxoak hasi dira hastear duten ikasturterako beharrezko izango duten material berria erosten. Paper dendetan nabari da mugimendua, eta orain arte gehien bat ume txikienendako materiala erostera joan dira gurasoak. Nerabeak, berriz, laster hasiko dira eurek behar duten materiala erosten, eskolan beharrezko materialaren zerrenda jaso ostean.

Gaur egun liburuek jarraitzen dute izaten gastu handiena ikasturte hasieran, eta familiek ikasle bakoitzak behar izaten duen materialarekin 300 eurotik gora gastatzen dute bataz beste ikasturte hasieran. Azken egunotan Aretxabaletako Tinta Beltza paper dendan, adibidez, ikasle mugimendua nabari dela azaldu du bertako arduradun Josune Erañak.

Egunotan ikasle txikienak omen dabiltza behar duten materiala erosten: koadernoak, arkatzak, margoak eta karpetak, besteak beste. Eta nagusiagoak behin eskolan hasi eta beharrezko izango duten materialaren zerrenda jaso ostean joaten omen dira erosketak egitera. Horiek ere erosten dituzte koadernoak eta boligrafoak, baina bestelako materialaren bila ere joaten dira: agendak, USBak, hiztegiak...

Beraz, ikasleen ikasketa mailaren arabera, gastuak asko aldatzen dira: maila geroz eta altuagoan egon, eskolara itzulerak dakartzan gastuak ere handiagoak izaten dira. Eta Erañak gaineratu du, nerabeek gainera markari ere begiratzen diotela materiala erosterako orduan.

Eskolako materialaren gastua bakarrik ez, eskolaz kanpo umeek egiten dituzten ekintzen matrikulek eta horrelakoek ere gastua dakarkie gurasoei, baina gastuak gastu, aurre egin behar horri ere.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak