Turismoak gora egin du uda sasoian eta gorakada, Debagoienean ere nabaritu egin da. Aste Santutik udara arteko datuek baikor egoteko moduko aurreikuspena zekarten eta uztailean jadanik aurreikuspena gainditu egin zen. Gipuzkoan %9,6 hazi da okupazioa 2014ko uztailarekin konparatuta eta Debagoienean ere, datu guztiak oraindik batzeke dauden arren, gorakada eman dela uste dute ostalariek.
Uda bukatzear dagoelarik, jada esan daiteke bereziki distiratsua izan dela sasoia turismoari erreparatuta. Aipatu denez, barne-turismoan nabaritu da aurten bultzada eta hori berresteko moduan daude gurean ere. Eskoriatzan Gorosarri landetxean eta Arantzazuko Sindika eta Arantzazu hoteletan abuztua eta, batez ere, uztaila okupazio betekoak izan direla diote. Udan ordea, oraindik ere, Debagoiena gaua egin eta Euskadi ezagutzeko oinarrizko kanpamendurako kokaleku da; turistak, ez ei dira horrenbeste animatzen bertako txokoak ezagutzera.
Aurten estatutik eta, batez ere, Andaluziatik etorri den jendearen gorakada nabaritu dute hoteletako eta landetxeetako jabeek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak