Aloña Mendik irabazi du Bergara Hiria

Hiruko txapelketa izan da; oñatiarrek 2-0 irabazi diote Urolari, eta bina berdindu dute Bergararekin. Bergarak eta Urolak, berriz, hutsean berdindu dute. Aloñako Axi Ugartek jaso du txapelketako jokalari onenaren saria.

Golik ez da izan Bergara eta Urolaren arteko txapelketako aurreneko 45 minutuetan. Ondoren, Haimarren eta Martxelen golekin irabazi dio Aloñak Urolari.

Neurketa erabakigarrian ondo jarri zaizkio gauzak Aloña Mendiri, 0-2 aurretik iritsi baita Bergararen kontrako partiduko azken minutuetara. Julen Palacios eta Unai Gil izan dira golegileak. Azken minutuetan, ordea, Josu Herranen eta Jokin Balzategiren golekin berdindu du Bergarak partidua.

Partidu bat irabazi eta bestea berdinduta, Bergara Hiria txapelketa, Aloñarentzako.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.