Julio Galarta pintorearen erakusketa ederra ireki berri dute Gasteizeko Vital Kutxa Fundazioa Gelan. 'Julio Galarta: gogoa duen paisaia-pintorea' da erakusketaren izena eta bertan Arrasateko pintorearen ehun bat lan bildu dituzte. Margolanez gain, Galartak erabilitako materiala, koadernoetan egindako marrazkiak eta beste hainbat bitxikeria bildu dituzte. Margolanen artean, Arrasateko udaletxean dagoen mural ederra ikusi daiteke.
Lanak, Julio Galarta Pintorearen Lagunak Elkartekoak, Arrasateko Udalarenak, eta beste hainbat bilduma partikularretakoak dira. Arabako paisaiarekin maiteminduta zegoen pintorea, eta lan gehienak Arabako paisaienak dira. Erakusketaren komisarioa Iñigo Arregi eskultorea izan da, eta erakusketa honekin, Julio Galarta XX. mendeko euskal paisaia-pintoreen artean dagokion lekua emango dio.
'Julio Galarta: gogoa duen paisaia-pintorea' erakusketa urriaren 4ra arte egongo da ikusgai Vital Kutxa Fundazioa Gelan. Aretoa, astelehenetik zapatura (18:00etatik 20:30era) egongo da zabalik, eta domeka eta jaiegunetan (12:00etatik 14:00eta, eta 18:00etatik 20:30era). Sarrera librea da.