Bietako bati ere balio ez dion berdinketa Bergarak eta Aretxabaletak

Partidua hasi eta gutxira penaltiz hartu zuten aurrea Bergararrek; handik aurrera, baloia jokoan ahalik eta denbora gutxien egon zedin saiatu ziren, eta epaileak zortzi minutuko luzapena eman zuen bigarren zatian. Luzapenaren amaieran sartu zuen gola Aretxabaletak.

Kolpe gogorra izan zen bergararrentzako, oso haserre amaitu zuten epailearekin, eta benetan zail dute mailari eustea; liga bukatzeko bi jardunaldiren faltan azkenaurreko dira sailkapenean.

Aretxabaletarentzat ere ez da ona puntua; Aurrera liderrak Azkoagainen Aloñaren kontra egiten duenaren arabera, lehenengo postua eskuratzeko aukerarik gabe gera daiteke UDA. Bigarren postua ziurra du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.