Zabalik dago Txatxilipurdiren udalekuetan izena emateko epea; tartean, Jardunekin eta Pil-Pileanekin antolatutakoetan

Aisialdi eta euskara elkarte arrasatearrak gaur aurkeztu du udako oporretara begira prestatu duen udaleku irekien eta itxien eskaintza. Hala, 2 eta 12 urte bitarteko umeendako udaleku irekiak uztailaren 1etik 21era egingo dituzte.  Kasu honetan, berrikuntza da 2 urteko umeendako ordutegia iaz baino zabalagoa izango dela, besteena moduan (10:00etatik 13:00etara). Udaleku itxien kasuan, hiru aukera egongo dira; tartean Bergarako Jardunekin eta Soraluzeko Pil-Pileanekin elkarlanean antolatzen dituzte Kosta ala kosta udalekuak. Maiatzaren 8an amaitzen da udalekuetan izena emateko epea.