Mendate eta herrietako maldak dira gune arriskutsuenak, horregatik zenbait herritan brigadako langileak gatza botatzen ari da oraindik.
Elurra kentzeko makinei esker Arlabango errepidea garbi dago. Hala ere, Ertzaintzak arretaz gidatzeko eskatu du. Mendateko errepideko bazterretan elur dezente ikusten da, eta kasu batzuetan metro erdiko elur geruza dago. Errepide zaharra itxita egon arren, bada Leintz Gatzagatik irten denik. Gatzagar batek azaldu digunez, errepide zaharretik ez da elurra kentzeko makinarik pasa eta ondorioz guztiak zurituta jarraitzen du.
Kintoak santa-eskean
Kontuak kontu elurrak sortutako buruhausteei garrantzia kendu, eta Eskoriatzako kintoek tinko eutsi diote ohitura zaharrari. Umore onarekin hartu edo ez, arriskuak hor jarraitzen du eta errepide nahiz kaleetan arretaz ibiltzea gomendatzen du Ertzaintzak. Hemendik aurrera, eta tenperaturak jaitsi egingo direla kontuan izanda, arazoak, elurrak beharrean, azpian dagoen izotzak sortuko ditu.