EAEko ekonomia %1,8 haziko da 2015ean, Laboral Kutxaren ustez

Miren Arregi Amasorrain 2014ko abe. 17a, 17:04

Hala eman dute jakitera gaur Bilbon egin duten aurreikuspen makroekonomikoen aurkezpenean. Esan bezala, Araba, Bizkaia eta Gipuzkoako barne produktu gordina %1,8 handituko dela kalkulatu dute. Hazkunde horri jarraituz, bataz besteko langabezia tasa %1,3 jaistea espero dute. 2014. Urtean tasa hori %15,8 izango litzateke eta 2015. Urtean, berriz, %14,5.

Adierazitakoa baino hazkunde handiagoa izateko aukera egon badagoela adierazi du Joseba Madariaga finantza erakundeko azterketa zerbitzuburuak. Izan ere, petrolio upelaren prezioak izan duen jaitsiera albiste oso ona iruditzen zaio EAEko ekonomiarendako. Prezio baxu horien bolada luzatzen bada, %1,8tik %2,1era handituko litzateke barne produktu gordina.

Inflazioaren egoera ere aztertu du Laboral Kutxak. Momentuz, txostenaren egileek ez dute ikusten deflazioan erortzeko arriskurik, eta pixkanaka, prezioek gora egingo dutela uste dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak