Herritarrek gustura hartu zuten ekimena. Udaletxe azpiko arkupetan jarritako mahai eta aulkietan eseri eta han egon ziren nagusi zein gazte. Herritarrez gain, bisitariak ere aurkitu genituen: "Legazpitik gatoz. Autokarabanen gunera etorri gara, eta aukera aprobetxatu dugu dastaketara etortzeko", azaldu ziguten. 30 bat autokarabana elkartu zirela esan ziguten.
Gabonetarako gozoak
Bergarako gozogileen esanetan erreilenoak eta tostoiak gehien estimatzen dituztenak herritarrak dira: "Urte guztian saltzen ditugu", esan zigun Xabi Mujikak. Zapatuan, Gabonei begira egindako mazapan, turroi eta bestelakoak ere jarri zituzten salgai. Xabi Mujikak, Josune Sagastumek eta Elena Azpiazuk erakutsi zizkiguten euren gozotegietan egindako artisau lanak.
