Pozik daude Arteman komunikazio enpresan. Komunikabideetan minutu gutxi izaten duten gaiak jorratzen dituen KZD zine jaialdiak Iñaki Peña medikuarekin batera egin Duten Aulki hutsak dokumentala saritu dutelako. Dolua eta heriotzaz mintzo den film honek oso zapore ona utzi du bilbon.
Seigarren jaialdia izan den honetan, Kanada, Iran edo Italiatik iritsitako beste film batzuekin lehiatu da Aulki hutsak. Eta euskarazko lan onenarena saria jasotzea garrantzitsua dela azpimarratu duten arren, ikusleek ematen duten saria are bereziagoa dela onartu du Arantzau Lagunilla, Artemaneko kideak.
Zine jaialdi honetan ez ezik, nabarmentzekoa da heriotzari eta doluari buruzko dokumental hau izaten ari den harrera. Ia astero Euskal Herriko zein kanpoko hainbat herri eta hiritan proiektatzen da. Gainera, KZD zine jaialdiaren barruan, gaur Donostian eskainiko dute Aulki Hutsak.