Arantzazuko Amabirjinaren egunean fededun ugari eta ordezkaritza politiko zabala

Fededun ugari eta ordezkaritza politiko zabala gaur Arantzazuko Amaren egunean. Iñigo Urkullu Lehendakaria, Martin Garitano Diputatu Nagusia eta Mikel Biain, Oñatiko alkatea, besteak beste. Eguerdian, Jose Inazio Munilla, Donostiako Eliz barrutiko Gotzainaren eskutik meza nagusia izan da eta Santutegia bete egin da. [ARGAZKIAK]

Irailaren 9a, egun seinalatua gaur Arantzazun. Eusko Jaurlaritzatik ordezkaritza zabala etorri da: Iñigo Urkullu Lehendakaria eta zazpi sailburu, hain justu. Gipuzkoako Aldundiko eta Oñatiko Udaleko ordezkariak ere izan dira bertan.

Ohi bezala, presoen senideek bilkura egin dute santutegi kanpoaldean Etxeratek deituta. Martin Garitano Diputatu Nagusiak, Mikel Biain, Oñatiko alkateak eta Aldundiko ordezkariek nahiz Oñatiko Udalekoek, agur beroa egin diete euskal presoen senideei. Garitanok, Espainiako Gobernua mugiarazteko, gizarteari eta eragile guztiei iniziatiba berriak abian jartzeko eskatu die.

Aipatu ere, Eusko Jaurlaritzatik ez dutela gura izan adierazpenik egiterik.

Eguerdian izan da ospakizuneko zita nagusia Jose Inazio Munilla Donostiako Eliz barrutiko Gotzainaren eskutik. Munillak, jendea elizara gerturatzearen gaineko hausnarketa egin du bere homilian. Eta gaur, bakegintzan emandako urratsak ere eskertu ditu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.