Gurasoek kontutan hartzen dituzte irailean eskolara bueltak dakartzan gastuak

Ume eta gaztetxoak ikasturte berriari aurre egiteko prest daude dagoeneko eta horrek dakartzan gastuei begira daude orain gurasoak. Antzuolako Itzar liburu dendako arduradunak esan du azken urteetan krisiaren ondorioz, gehiago begiratzen direla prezioak eskolako materiala erosterako orduan ere. Dagoeneko koaderno eta boligraforen batzuk saldu baldin baditu ere, gaztetxoen mugimendua behin klaseekin hasi ostean nabaritzen duela azaldu du.

Ikasturte hasierarekin batera eta umeen eskolara bueltarekin batera, guraso ugari jartzen dira poltsikora begira, itzulera horrek dakarren kostua zenbatekoa izango den jakiteko.

Antzuolako Itzar liburu dendan, esaterako, dagoeneko hasi dira eskolako materiala saltzen, nahiz eta, behin eskolak hasi ostean nabaritzen duen mugimendu handiagoa dendan, bertako arduradun Kontxi Laskurainek. Eta gurasoek kontuan hartzen dute ikasturte hasieran haurren eskolara itzulerak zenbateko gastua ekarriko dien. Itzar liburu dendakoak dio gainera, orain krisia dela eta, prezioari gehiago begiratzen zaiola eskolako materiala erosterako orduan.

Baina eskolako materialaren gastua bakarrik ez, eskolaz kanpo umeek egiten dituzten ekintzen matrikulek eta horrelakoek ere gastua dakarkie gurasoei eta horiek ere kontuan hartzen dituzte iraila hasieran.

Gastuak gastu, aurre egin behar horri ere eta datorren moduan hartu behar kontua.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.