Aurten, berritasun eta guzti dator, gainera; Aretxabaletako proba puntuagarria izango da-eta Udako Criteriumerako.
Ibilbide latza, baina gustukoa
Durana kalean hasi eta bertan bukatuko da lasterketa, ordu batak inguruan. Bitarte horretan, besteak beste, pare bat bider igo beharko dute Leintz Gatzagako errepide txirrindulari gazteek; eta ibilbideak gogorra dirudien arren, kirolariak gustura ibiltzen direla azpimarratu du Zubillagak.
Kirolariak pozik, beraz, eta baita aretxabaletarrak ere. Izan ere, lasterketa horrek herritar eta bisitari ugari erakartzen ditu Aretxabaletara.
Bisitari ugari
Tradizio lutea duen proba da Leintz ibarreko txirrindulari lasterketa. 76. aldia izango du aurten, eta urte gorabeheratsu batzuk izan ostean, azkenekoetan berreskuratu du bere indarra.
Edozelan ere, gazteei gonbitea egin die Zubillagak, proba horren etorkizuna ziurtatzeko.
