Kamioi bat irauli da Olandixoko saihesbide irteeran eta kamino bazterrean geratu da

Aldamioz kargatuta zihoan kamoi handi bat irauli egin da Arrasateko Olandixoko saihesbide irteeran, Aretxabaletarantz hartzeko momentuan. 15:15ak aldera. Bihurgunean, karga mugitu zaio eta horrek eragin du istripua. Kamioi gidaria bere kabuz atera da eta ez dauka zauririk. Istripuak ez du trafikoan eragin, kamino bazterrean geratu delako kamioia. Edozelan ere, Ertzaintzak trafikoa zaintzen dihardu. Ertzainek adierazi dutenez, arratsalde partean lau bat orduz itxita egongo da errepideko erreil bat eta, "akaso, Olandixoko tunela", garabiak kamioiaren karga erretiratu eta kamioia bidetik atera bitartean. [ARGAZKIAK]