Azokaren izaera "estrategikoa" aldarrikatu dute antolatzaileek: "Azokak izaera estrategikoa du: Euskal kulturaren plaza nagusia izateaz gain, sortzaileen eta kultur industriaren egituratzailea da eta euskal kulturgintzaren erreferente nagusiena Euskal Herrian eta Euskal Herriko mugetatik kanpo. Urtero 100 mila bisitari ditugu eta horrek eragin zuzena du gizartean, sozialki, kulturalki eta ekonomikoki".
Ondorioz, herri administrazioari "neurriko babesa" eskatu diote: finantziazio "handiagoa eta egonkorragoa". 2013an aurrekontuaren %43 izan zen laguntza publikoa, baina gehiago izan behar dela aldarrikatu dute: "Gizartearen babesarekin estrategikoa dela erakutsi duen euskal kulturgintzako ekitaldi nagusienak behar du eta merezi du gehiago. Horregatik, urtero 150.000 eurotako inbertsioa eskatu diogu Jaurlaritzari gaurko agerraldian".
Konpromiso finkoa eskatu diete legebiltzarkideei, aurtengo eta datozen urteko azokek finantziazio publiko "handiagoa eta egonkorragoa" izan dezaten.
Azkokako talde antolatzailearen izenean egin zituzten eskakizunok: Gerediaga Elkartea, Berbaro Elkartea, Ahotsenea sortzaileen gunea, EuskaltzaleenTopagunea, Euskal Herriko Antzerkizale Elkartea, San Agustin kultur gunea, Azoka TV, Plateruena, Kabi@.