Uribetxeberria "jasaten ari den sorgin-ehiza irmoki salatu" du Sortuk

Josu Uribetxeberria "jasaten ari den sorgin-ehiza irmoki salatu" du Arrasateko Sortuk. Eta "Josu eta bere senideei elkartasun eta babesa" adierazi die. Espainiako Auzitegi Nazionalak, txean preso egoteko ezarri dion zigorraren aurrean, hedabideetara bidalitako ohar bidez egin ditu adierazpenok Arrasateko Sortuk. Bestalde, presoaren senide eta lagunek zapatu eguerdirako deitu duten prentsaurrekorako dei egin du.

Hemen, oharra oso-osorik:

"Espainiar justiziaren krudelkeria agerian utzi dute berriz ere. Amarru judizialen bitartez sustatzen ari diren mendeku politikaren beste urrats bat da honakoa, Euskal Herrian bizi dugun gatazkaren konponbiderako bideari jarri nahi zaion beste oztopo bat".

"Giza eskubideen aurkako beste eraso bat"

"Polizia iturri eta hedabide zehatzek harrotutako informazioetan oinarrituta, heriotzara kondenatu nahi dute Josu. Bere osasun egoera ez da hobetu eta bere gaixotasunaren egoerak larria, atzeraezina eta sendabiderik gabekoa izaten jarraitzen du. Ondorioz, eta bizi dugun une politikoan are larriagoa deritzogu tamainako eraso honi, konponbiderako urratsetatik urruti, giza eskubideen aurkako beste eraso bat delako".

"Demokrazian oinarrituko den bakea"

"Hala, konponbiderako bidean, euskal preso eta iheslari politikoen eskubideen aldeko lana ezinbesteko giltza izango dira aurrerantzean ere. Euskal Herrian bizi dugun gatazkaren konponbidea eskuratzeko lana denoi dagokigulako, eskuz-esku, demokrazian oinarrituko den bakea eskuratzeko". 

Herritarrei deia

"Honen aurrean, arrasatear eta euskal herritarrei deia luzatzen diegu giza eskubideen, konponbidearen eta bakearen aurkako eraso hauei erantzun bateratua eman diezaiogun, bihar larunbata eguerdiko 12:30ean Arrasateko herriko plazan Josuren senide eta lagunek burutuko duten prentsaurrekoan parte hartuz".

Erlazionatuak

Jabi Uribetxeberria: "Mendekua besterik ez da, anaia izorratzera joan dira"

Arrasate

"Dena egin dute azkar, egun batetik bestera". Hala eman du aditzera Jabi Uribetxeberriak, Josu Uribetxeberriaren anaiak. Gainera, epaitegitik "Josu...
Uribetxeberria etxean preso sartzeko agindua eman du epaileak

Arrasate

Josu Uribetxeberria etxean preso sartzeko agindua eman zuen atzo Ismael Moreno epaileak. Baldintzarik bako behin behineko espetxeratzea ezarri zion...
Josu Uribetxeberria Bergarako epaitegian

Arrasate Bergara

Josu Uribetxebarriak gaur eguerdian Bergarako epaitegian deklaratu du Espainiako Auzitegi Nazionaleko epaile Ismael Morenok eskatuta. Deklarazioa b...
Guardia zibil baten hilketan zerikusia duelakoan epailearen aurrera deitu dute Josu Uribetxeberria

Bergara

Espainiako Auzitegi Nazionaleko epaile Ismael Morenok deklaratzera deitu du Josu Uribetxeberria arrasatearra. Bergarako epaitegian bideokonferentzi...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.