Josu Uribetxeberriaren deklarazioak ikusmin handia sortu du eta goizean goizetik, komunikabide ugari gerturatu dira Bergarako epaitegi kanpora, Uribetxeberria noiz iritsiko zain. 12:30ak izateko minutu gutxi falta zirela iritsi da Uribetxebarria epaitegira, senide eta lagunez inguratuta, epaitegirako bidean ez du deklaraziorik egin.
Astelehenean egin zuen fiskalak Uribetxeberria deklaratzeko eskaera, El Mundo egunkariak Guardia Zibilaren ustezko txosten bat aipatuz. Horren arabera, 1986ko uztailean tiroz hildako Antonio Ramos Martinez guardia zibilaren aurkako atentatuarekin lotu zuten Uribetxeberria atxilotu batzuek. Honek guztiak ostera, ireki du itxita zegoen sumarioa.
