Ekonomiaren gaineko bi hitzaldi datozen egunotan, EH Bilduk antolatuta

Leire Kortabarria 2014ko martxoaren 14a

Permach, Urizar, Rodriguez eta Urkaregi, berbaldietako hizlariak.

Krisiaren gordintasuna Debagoienera ere iritsi dela salatu du Debagoieneko EH Bilduk. Bailarako biztanleen bizi baldintzak kaskartu egin direla azaldu dute eta gaineratu dute horren aurrean ez direla isilik eta geldirik geldituko. Tokiko garapena eta eraldaketa soziala bultzatzen ari direla adierazi dute eta elkarlanean Debagoiena eraldatzen ari direla gaineratu. Hainbat hitzaldi egin dituzte dagoeneko, eta gehiago izango dira datozen egunotan.

Hauek izango dira datozen egunotarako antolatu dituzten hitzaldiak:

EHBilduren proposamen sozioekonomikoa. Joseba Permach eta Pello Urizar, EHBilduko kideak. Martxoaren 20an, eguena, 19:00etan Bergarako Irizar jauregian.
Balioen krisia eta politika sozialak Gipuzkoan. Arantxa Urkaregi eta Ander Rodriguez. Martxoaren 26an, 19:00etan Aretxabaletan.