EHBilduk antolatutako hitzaldi sortaren azkenaurrekoa da gaurkoa. Datorren astean borobilduko dute otsailean abiarazitako ziklo hori. Balioen krisia eta politika sozialak Gipuzkoan. Gai hori landuko dute Arantxa Urkaregik eta Ander Rodriguezek martxoaren 26an, 19:00etan Aretxabaletan.
Tokiko garapenaren alde
Ziklo horren bitartez eta beste hainbat mobilizazioren bitartez, krisiaren gordintasuna Debagoienera ere iritsi dela salatu gura du Debagoieneko EH Bilduk; baita bailarako biztanleen bizi baldintzak kaxkartu egin direla ere, eta adierazi du horren aurrean ez direla isilik eta geldirik geldituko. Tokiko garapena eta eraldaketa soziala bultzatzen ari direla ere azpimarratu dute eta elkarlanean Debagoiena eraldatzen ari direla gaineratu.
