MCCk Edesa eta Geyserren bideragarritasun plana ez babestea oso larritzat jo du Ezker Anitza-IUk

Ane Miren Etxeberria 2014ko ots. 15a, 15:17
Ezker Anitza -IUk komunikabideetara bidalitako prentsa oharraren bidez, Basauriko Edesa eta Bergara Geyser enpresatako langileei euren babes osoa aurkeztu die, MCCk bideragarritasun plana ez babestearen erabakiaren aurrean.

Hala, "bi bailaratako ekoizpena desegitea eragiten du MCCren erabaki honek eta atsekabea sentitzen dugu Mondragon korporazioak ekonomia errentagarritasunean soilik pentsatu duelako eta ez enpleguaren mantentzean". Bideragarritasun plana ez onartzeak "300 lanpostu mantentzea ekarriko lukeela" gogorarazi du Ezker Anitza-IUk eta baita, plan honek Bizkaiko Foru Aldundiko eta Eusko Jaurlaritza babesa duela.

Ezker Anitzaren oharraren arabera, Fagor Etxetresnetako Konfort negozioak errentagarriak ziren hartzekodunen konkurtsoan sartu ziren arte. Hala, Ezker Anitza galdetzen da errentagarriak baziren ia zergatik hartu den erabaki hau eta non geratzen diren "MCCk horrenbeste predikatzen duen solidaritate printzipioak, enpleguaren mantentzea eta garapen soziala".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak