EAJ: "Bilduk ez dauka krisiaren aurkako planik Debagoienean. Bere lehentasuna atez atekoa da"

Debagoieneko EAJk gogor kritikatu du Mankomunitatearen aurrekontua. Hiru dira salaketa lerroak: batetik, dio "atez ateko hondakinen bilketa bete arazteko ordenantza onartu" duela, eta "isunak erabiliko" dituela sistema hori "bermatzeko". Ildo beretik, salatzen du "Bilduren lehentasuna atez ateko sistema" dela, "krisiari aurre egiteko sustapen ekonomikoa bigarren mailan utzita". Eta zentzu horretan, jokabide hori kritikatzen du, gaineratuz "Debagoienak egoera honetan baliabide ekonomiko guztiak krisiari aurre egiteko jartzea behar" duela. Albiste barruan, EAJren oharra, osorik.

EAJren oharra, hitzez hitz:

"EAJ-PNV: BILDUK EZ DAUKA KRISAREN AURKAKO PLANIK DEBAGOIENEAN. BERE  LEHENTASUNA ATEZ ATEKOA DA.

- Debagoieneko Mankomunitateak Ordenantza bat onartu du Atez ateko hondakin bilketa bete arazteko. Bilduk  isunak erabiliko ditu  bere bilketa sistema bermatzeko.

- Bilduren lehentasuna Atez ateko  sistema ezartzea da, krisiari aurre egiteko sustapen ekonomikoa bigarren mailan utziz.

- EAJ-PNVk salatu egiten du Bilduren jokabidea eta Debagoienak egoera honetan behar duena  baliabide ekonomiko guztiak krisiari aurre egiteko jartzea dela dio.

Debagoieneko Mankomunitateak onartu berri dituen Aurrekontuak eta ordenantza berriak  aztertu ondoren, Debagoieneko EAJ-PNVk honakoa  jakinarazi nahi du:  batetik,  Aurrekontuetan  ikusten da garbi, Bilduk zeri ematen dion garrantzia, eta bestetik,  oraintsu onartu duen Hondakin bilketari buruzko Ordenantza  salatu nahi du.

Ondorioak

Aurrekontuak aztertu ondoren honako konklusioak atera ditugu: 

1- Mankomunitateak ez du dirurik abian jarri duen hondakin bilketa zirkoa martxan jartzeko. Mota guztietako hondakin bilketak onartu ditu , atez atekoaren bariante desberdinak, besteak beste. Horretarako, Epeleko zabortegi zaharra seilatu eta mantentze lanak egiteko diru poltsa erabiltzen ari da, erabili ezin duenean. Honek eragina ekarriko die Debagoieneko udal guztiei, interesak ordaindu beharko bai ditugu aurrerantzean.

2- Gastu arruntak %32an igo dira 2012tik 2014ra, 2012an5,6 mio€ eta 2014an7,4 mio€ hau da 1,8Mio € gehiago, krisi garaian ezinbestekoa denean  gastu hauek gutxitzea.

3- Transferentzia arruntak %24 igo dira.

4- Oraindik bailarako herri asko falta dira Atez ateko gurpilean sartzeko. Oñati, Antzuola eta Bergara sartuta badaude, eta hala dirudi, Antzuola, Oñati eta Bergararekin bakarrik gastuak bikoiztu egiten dira.

5- Udal ekarpen arruntak 2012tik 2014ra ordainketan 1,1Mio(+%17) igo dira. 

6- Atez ateko inbertsioa 2013-2018 rako, 4MIo€koa da, eta hurrengo urteetan amortizatu beharko da, beraz, Bildu gure etorkizuna hipotekatzen ari da,  zenbaterainoko zorra izango dugun ziur jakin gabe.

7- Udalak, "a escote" ordaintzen ari dira hondakin bilketa. Ez da kontutan hartzen atez ate edo 5. Edukontzia edo orain arteko zerbitzua den.

Garrantzitsuena

Eta  daturik garrantzitsuena: Mankomunitateko aurrekontuak oso zalantzagarriak dira datu batengatik. Hondakinen tasak ezartzerakoan, Mankomunitatean ematen den igoera eman  behar da ere Debagoieneko herri bakoitzean. Aurten, adibidez, Mankomunitateak %23ko igoera onartu du eta Bergarak, adibidez, %4a. Nork ordaindu behar du diferentzia hori? Mankomunitateko aurrekontuak fiktizioak dira ala Udaletakoak dira gezurretazkoak? Gardentasun falta nabaria da.

Gure bailaran bizi dugun langabeziaren igoera  kontutan hartuta, lana SUSTATZEKO ahalegin berezia egin behar denean,  enplegu sustapenaren partidei dagokionez salatu nahi dugu  Lanbide hastapenean  2012an gastatzen zen  berdintsua dagoela aurreikusita 2014ean ere. Debagoiena bailararen lan egoera ikusirik, zilegi al da Bilduk Mankomunitateko Aurrekontuak era neurrigabean igotzea, zaborrak biltzeko gastua era neurri gabean igotzea,  eta krisiari aurre egiteko ekimenetan atzera egitea?

Datuak

Hona hemen datuak:

GARAPEN AGENTZIA:                            ​ZABORRAK:

2012​     268.783,03 €                              ​5,24 M€

2013     ​202.059,91 €                                ​5,77 M€

2014​     295.396,25 €​                              6,78 M€

2014 vs 2012​+ % 9,66 ​+                        %29,40

Bilduk Debagoienean hondakin bilketa inposatuari eman dio lehentasuna, biztanleen gehiengoaren aurka eta atez ateko sistemarekin gastuari eman dio lehentasuna.

Elgetak bere bidea darama herri kontsulta eta edukiontzi sistemarekin.

Arrasaten gai izan da Bildu 5. Edukiontziari aukera emateko, arrasatear gehienek nahi duten sistemari aukera emateko. Ez dugu ulertzen zergatik ez duten beste herriek bide hau hartu, ez dugu ulertzen  Eskoriatza, Aretxabaleta, Oñati eta Bergarako alkateen jarrera. Legazpiko azken datuek erakutsi duten bezala, % 70etik gora bildu daiteke organikoa edukiontzien bitartez, atez atekoarekin baino gehiago, hemen ez bai dago hondakinen turismorik.

Inposaketatik errepresiora

Bilduk, Debagoieneko herri gehienetan atez ateko sistema inposatzeko ordenantza bat onartu du Mankomunitatean.

Mankomunitatearen babesean ezkutatu dira atez ateko sistema ezarri duten eta ezarri nahi duten Herrietako alkateak. Desobedientzia zibila eta herri protestaren aurka Bilduk, makro Mankomunitatearen eskutik, errepresiorako tresna sortu du: ordenantza. Orain arte herri bakoitzak bere ordenantza izan du baina oraingoan koldarkeria ezkutatzeko Mankomunitatearen esku egongo da isunak ipintzea. Ordenantzan falta arinetatik falta grabeetara aipatzen dira eta horren arabera isunak handiagoak edo txikiagoak dira.

Baina ordenantzek ez dute debekatzen sailkatutako zaborra eta organikoa plastikotan ateratzea, adibidez. 21. Artikuluak dio poltsatan atera daitekeela organikoa poltsa konpostagarrietan eta 24. Artikuluak berriz, errefusa atera daitekeela plastikozko poltsetan. Baina isunak jartzea ezker abertzalearen marka da, beraienak aurrera egiteko beldurra sartzea izan dute eta dute estrategiatzat. Bildu, inposaketatik errepresiora pasa da. Gauza kurioso bat, isunak jartzeko eskumena Mankomunitateko Zuzendaritzak dauka eta bertako arduradun nagusia Arrasateko alkatea da. Arrasateko alkateak ipiniko ote dizkigu isunak bergararroi, oñatiarroi edo eskoriatzarroi atez atekoa ez onartzeagatik? Arrasaten 5. Edukiontzia ezarri eta besteetan isunak?

Zenbakiek argi hitz egiten dute eta ez dugu ulertzen Debagoienan 5 sistema desberdin egotea hondakinak biltzeko eta krisiaren aurkako partidak ez gehitzea egoerak eskatzen duen bezala. BILDUK DEBAGOIENAKO KRISIARI AURRE EGITEKO POLITIARIK EZ DAUKA, EZ DA BERETZAT LEHENTASUNA".

Erlazionatuak

11,481 milioi euro 2014an Debagoienerako, iaz baino %4,03 gehiago

Debagoiena

11.481.275,88 euro. Kopuru hori onartu du Debagoieneko Mankomunitateak aurtengo jardunerako. Iazkoarekin alderatuta, %4,03 handitu da aurrekontu or...
Mankomunitateko gobernua: "Historiako aurrekonturik altuena da, Debagoienean ekonomia eta enplegua sustatzeko"

Debagoiena

Debagoieneko Mankomunitateko gobernuak nabarmendu du aurtengoa dela “historiako aurrekonturik altuena Debagoienean, ekonomia eta enplegua sustatzek...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.