Errezeta elektronikoa abian jarri zen Debagoiena osoan urriaren 10ean eta ordutik Osakidetza zabaltzen ari den sistema horren onurak ditu gure bailarak ere. Debagoieneko Erakunde Sanitario Integratuan Oñati izan zen sistema hori martxan jarri zuen lehen herria, Aramaiok jarraitu zion eta, urtebeteren buruan, Debagoiena osora hedatu da. Erabiltzaileok ez dugu ezer berezirik egin beharko botikak hartzeko baina sistema berriak ekarri dituen aldaketen berri eman digute Idoia Kamaronek, Debagoieneko Ospitaleko farmazia zerbitzuko kideak, eta Marian Zabartek, Arrasateko Azkoaga farmaziakoak.