Argindarra %2,3 igoko da urtarrilean

Argindarra urtarrilean %2 eta %4 artean igotzea proposatu dio Lehia Batzordeak Madrili eta gaur, egubakoitza, hartu dute erabakia Espainiako Gobernuan: argindarra %2,3 igoko dute urtarriletik aurrera. Prezio horrek soilik 2014ko lehen hiruhilerako balioko du. Arrasateko kaleetan izan gara herritarren iritzia jasotzen eta bideoan dituzue ikusgai jaso ditugun iritziak.

Joan den astean urtarrilerako argindarraren prezioa %11 inguru garestitzea erabaki zuen enkantea baliogabetu ostean, Espainiako Gobernuak prezioa ezartzeko proposamenak egiteko eskatu zion Lehia Batzordeari. Bi proposamen egin zizkion batzordeak eta Gobernuari zegokion gero proposamenetako bat aukeratzea. Azkenean gaurko ministroen kontseiluan erabaki dute %2,3 igotzea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.