Pentsioen erreformaren aurkako greba: erantzun zabala eta lasaitasuna nagusi

Goizeko lehen orduetatik, sindikatuetako pikete informatiboak ibili dira herrietako lantegi zein komertzioetan, baina Ertzaintzatik adierazi digutenez ez da aparteko arazo edo istilurik egon. Lantegi handi gehienek greba egin dute eta kalean ere saltoki gehienak itxita daude. Sindikatuen esanetan, greba ia %100ekoa izan da ibarrean; Adegiren arabera, Gipuzkoako langileen %72 lanera joan da gaur.