Landa eta Garaio, udako egun beroetarako debagoiendarren aukera

Goizean goizetik igarri dugu gaur beroa eta udako ohiko eguraldia izango dugu. Barnealdean 34 eta 35 gradu hartuko dituzte termometroek. Igerilekura edo bainu tokietara, adibidez, Oñatiko Usakora, jotzen dugu freskura bila. Baina asko dira Landa edo Garaiora jotzen duten debagoiendarrak ere. Aukera eta eskaintza paregabea, natur gune bikainean: ibiltzeko, bizikletan jarduteko, atsedenerako edota bainurako.