Azken ikerketek diote goraka doazela haur lodien kasuak Espainian eta egoera kezkagarria dela. Datu batzuk emango ditugu: duela 15 urte haurren %5 baldin bazen gizena, gaur egun zifra hori %16ra igo da. Europako Batasunean Espainiako zifrak gainditzen dituen lurralde bakarra Britainia Handia da eta ikerketan diote gaur egun Espainian epidemia dela haur lodien kasua. Debagoieneko ospitaleko Umeendako Obesitate eta Nutrizio Klinikako dietista Laura Alutizek ere dio gurean ere epidemia dela.