Eskoriatza Garbia plataformak deituta agerraldi zaratatsua egin zuten atzo herrian zehar. Kiroldegi ondoko parkean elkartu ziren eta bertatik plazara abiatu ziren, txilibitua ahoan eta poltsak eskuan. Udaletxe parean bost minutuz txistuka eta oihuka aritu ziren. "Ea orain udalak entzuten digun", adierazi zuten Eskoriatza Garbitik. Ondoren, Dorletara joan ziren poltsatan zituzten kartoia eta plastikoa edukiontzietan sailkatzeko. Manifestazioari plazan eman zioten amaiera minutu bateko txistualdiaz. Astero eguenetan elkartuko dira "pintxo-pito" egiteko 18:30ean kiroldegi aurreko parkean.